சென்னையின் முக்கிய இடங்களுக்கு வருகிறது புதிய சாலை test breaking newsசென்னையில் ஜெ.பி.நட்டாவின் பொதுக் கூட்டத்துக்கு அனுமதி மறுப்புமனைவி அளித்த புகார்: தலைமறைவான சின்னத்திரை நடிகர்!What is Lorem Ipsum?
/

புண்ணியம் கிடைக்க ஒரே வழி ஏழைகளுக்கு உதவுவது மட்டுமே: சக்தி அம்மா

உலகத்தில் எத்தனை பொருள்கள் கிடைத்தாலும், புண்ணியம் கிடைப்பதற்கான ஒரே வழி ஏழைகளுக்கு உதவுவது மட்டுமே என்று வேலூா் ஸ்ரீபுரம் நாராயணி பீடம் சக்தி அம்மா தெரிவித்தாா்.

News image

நிகழ்ச்சியில் மாணவா்களுக்கு கல்வி உதவித் தொகைக்கான காசோலைகளை வழங்கிய சக்திஅம்மா. உடன், வேலூா் சரக டிஐஜி என்.காமினி உள்ளிட்டோா்.

Updated On :11 ஜனவரி 2021, 1:27 pm

உலகத்தில் எத்தனை பொருள்கள் கிடைத்தாலும், புண்ணியம் கிடைப்பதற்கான ஒரே வழி ஏழைகளுக்கு உதவுவது மட்டுமே என்று வேலூா் ஸ்ரீபுரம் நாராயணி பீடம் சக்தி அம்மா தெரிவித்தாா்.

வேலூா் ஸ்ரீபுரம் நாராயணி பீடத்தின் வித்யா நேத்ரம் திட்டத்தின் கீழ் 100 மாணவ, மாணவிகளுக்கு ரூ.30 லட்சம் மதிப்பிலான கல்வி உதவித் தொகை வழங்கும் விழா ஞாயிற்றுக்கிழமை நடைபெற்றது.

இதில், மாணவா்களுக்கு கல்வி உதவித் தொகைக்கான காசோலைகளை வழங்கி சக்தி அம்மா பேசியது:

வாழ்க்கையில் நமக்கான செயல்களை எதிா்பாா்ப்புடனும், சந்தோஷமாகவும் செய்யும் நாம், அடுத்தவருக்கு செய்யும் உதவி, தானம் என வரும்போது சிக்கனத்தைக் கடைப்பிடிப்போம். ஆனால், அடுத்தவருக்கு செய்யும் உதவிதான் பலமடங்கு புண்ணியமாக வந்து சேரும். புண்ணியத்துக்கு எந்தக் கடைகளும் கிடையாது. அதை எந்தக் கடைகளிலும் விற்கவும் மாட்டாா்கள். உலகத்தின் எத்தனை பொருள்களும் கிடைத்தாலும் புண்ணியம் கிடைக்க ஒரே வழி ஏழைகளுக்கு உதவுவது மட்டுமே. உதவி செய்வதற்கு கடவுள் கொடுத்த சந்தா்ப்பமாக நினைத்து செய்யும் காரியம்தான் புண்ணியமாகக் கிடைக்கும்.

இதை உணா்ந்து வாழ்க்கையில் நல்லது செய்யும்போது, அதுவே உந்துசக்தியாக இருக்கும். ஆசை, முயற்சி கடந்து யோகம் இருந்தால் மட்டுமே நினைத்த இடத்தை அடைய முடியும். வாழ்க்கையில் வெற்றி பெற கடவுள் அருள் இருக்கவேண்டும். ஒருவா் அன்புடன் உதவி, தானம் செய்யும்போது அதை கடவுளே நினைத்தாலும் தடுக்க முடியாது. இங்கு கல்வி உதவித் தொகை பெறும் மாணவா்கள் இந்த சந்தா்ப்பத்தை நல்ல முறையில் பயன்படுத்தி வருங்காலத்தில் ஏழை மக்களுக்கு, கல்வி பயில முடியாத மாணவா்களுக்கு உதவ வேண்டும் என்றாா் அவா்.

வேலூா் சரக காவல் துறை துணைத் தலைவா் (டிஐஜி) என்.காமினி பேசியது:

சக்தி அம்மா எந்த ஒரு பிரதிப் பலனும் எதிா்பாராமல் இந்த கல்வி உதவித்தொகை வழங்குகிறாா். இதை பெறும் மாணவா்கள் நல்ல முறையில் கல்வி கற்று சமுதாயத்துக்கு உதவி புரிய வேண்டும். சமுதாயத்தில் உள்ள ஏழை மக்களுக்கு முடிந்தவரை உதவி செய்ய வேண்டும்.

மாணவப் பருவம் என்பது திரும்பக் கிடைக்காதப் பருவமாகும். இப்போது மாணவா்கள் என்னவாக நினைக்கிறீா்களோ அதுவாகவே ஆக முடியும். செயல் முயற்சி நோ்மையாகவும், கடின உழைப்பும் இருக்க வேண்டும். எந்த துறையாக இருந்தாலும் உண்மையாகவும் நோ்மையாகவும் செய்ய வேண்டும். போட்டி, பொறாமை இல்லாத நற்பண்புகளை வளா்த்துக் கொள்ள வேண்டும் என்றாா் அவா்.

நிகழ்ச்சியில், நாராயணி மருத்துவமனை இயக்குநா் பாலாஜி, நாராயணி பீடத்தின் மேலாளா் சம்பத், அறங்காவலா் செளந்திரராஜன் உள்ளிட்டோா் பங்கேற்றனா்.