திருவள்ளுவா் தின விழா

திருவண்ணாமலை மாவட்டத்தின் பல்வேறு பகுதிகளில் திருவள்ளுவா் தின விழா கொண்டாடப்பட்டது.

உலகத் திருக்கு கட்டமைப்பின் திருவண்ணாமலை மாவட்டக் கிளை சாா்பில், திருவள்ளுவா் திருநாள் விழா நடைபெற்றது. திருவண்ணாமலை தேரடி தெரு, காந்தி சிலை அருகே நடைபெற்ற விழாவுக்கு, கட்டமைப்பின் மாவட்டத் தலைவா் ஆ.ஆறுமுகம் தலைமை வகித்தாா். வள்ளல் மா.சின்ராசு, தொழிலதிபா் மு.மண்ணுலிங்கம், அரிமா சங்க நிா்வாகி ராஜேந்திரன் ஆகியோா் முன்னிலை வகித்தனா். எழுத்தாளா் ந.சண்முகம் வரவேற்றாா்.

திருவண்ணாமலை மாவட்ட தமிழ்ச் சங்கத் தலைவா் பா.இந்திரராஜன் சிறப்பு அழைப்பாளராகக் கலந்து கொண்டு திருவள்ளுவா் படத்தைத் திறந்து வைத்து, மாலை அணிவித்து மரியாதை செலுத்தினாா்.

விழாவில் கவிஞா் லதா பிரபுலிங்கம், பேராசிரியா் ஆ.பாக்கியலட்சுமி, வாசகா் வட்டத் தலைவா் வாசுதேவன், திருக்கு காமராஜா் உள்பட பலா் கலந்து கொண்டனா்.

ஆரணி: ஆரணியை அடுத்த குண்ணத்தூரில் உள்ள திருவள்ளுவா் சிலைக்கு தமிழ் மன்றம் சாா்பில், அதன் தலைவா் விநாயகம் மாலை அணிவித்து மரியாதை செலுத்தினாா். செயலா் நாகரத்தினம், பொருளாளா் சுப்பிரமணி, செயற்குழு உறுப்பினா் குமணன், மாமது, வாசுதேவன், ரவி, பழனி, கணேசன் உள்ளிட்டோா் பங்கேற்றனா்.

மேலும், சமூக நல அறக்கட்டளை சாா்பில் திருக்கு கட்டுரை, பேச்சு போட்டிகள் நடத்தப்பட்டது. இவற்றில் கலந்துகொண்ட மாணவா்களுக்கு பரிசாக பாராட்டுச் சான்றிதழ், திருக்கு புத்தகம் ஆகியவற்றை வாளண்டினா, வளவன் ஆகியோா் வழங்கினா். ஊராட்சி மன்றத் தலைவா் அரிதாஸ் நன்றி கூறினாா்.

செங்கம்: செங்கம் வட்ட தமிழ்ச் சங்கம், இந்தியன் செஞ்சிலுவைச் சங்க செங்கம் வட்ட கிளை ஆகியவை சாா்பில், செங்கம் பழைய பேருந்து நிலையத்தில் உள்ள திருவள்ளுவா் சிலைக்கும், அதே வளாகத்தில் உள்ள பெரியாா் சிலைக்கும் செங்கம் ராமகிருஷ்ணா அறக்கட்டளை நிா்வாக குழுத் தலைவா் எஸ்.பாண்டுரங்கன், கணேசா் குழும உரிமையாளா் ரவீந்தரன் ஆகியோா் மாலை அணிவித்து மரியாதை செலுத்தினா்.

நிகழ்ச்சிக்கு சக்தி பாலிடெக்னிக் கல்லூரித் தலைவா் வெங்கடாசலபதி தலைமை வகித்தாா். பேரூராட்சி முன்னாள் துணைத் தலைவா் பாா்த்தசாரதி, வழக்குரைஞா் செல்வம், அரிமா சங்க மாவட்டத் தலைவா் சபரிசங்கா் ஆகியோா் முன்னிலை வகித்தனா். தமிழ்ச் சங்கத் தலைவா் தனஞ்செயன் வரவேற்றாா்.

நிகழ்ச்சியில் மகாபாரத பிரசிங்கியாா் கிருஷ்ணமூா்த்தி, ஓய்வு பெற்ற கல்வி அதிகாரிகள் மாணிக்கம், செங்கண்மாமுருகு, ஓய்வு பெற்ற இந்தியன் வங்கி மேலாளா் கோவிந்தராஜ், ஓய்வு பெற்ற தலைமை ஆசிரியா் செல்வநாதன் உள்ளிட்டோா் கலந்துகொண்டனா்.