அருணாசலேஸ்வரா் கோயில் உண்டியல் காணிக்கை ரூ.92 லட்சம்

திருவண்ணாமலை அருணாசலேஸ்வரா் கோயிலுக்கு கடந்த ஒரு மாதத்தில் ரூ.92 லட்சம் ரொக்கம், 119 கிராம் தங்கம், 519 கிராம் வெள்ளியை பக்தா்கள் காணிக்கையாக செலுத்தியிருந்தனா்.

சிவனின் அக்னி ஸ்தலமான இந்தக் கோயிலுக்கு தினமும் ஏராளமான பக்தா்கள் வந்து செல்கின்றனா். எனவே, மாதம்தோறும் கோயில் உண்டியல்களில் சேகரமாகும் காணிக்கை எண்ணப்பட்டு வருகிறது. அதன்படி, புதன்கிழமை கோயில் இணை ஆணையா் இரா.ஞானசேகா் தலைமையில் 100-க்கும் மேற்பட்ட கோயில் ஊழியா்கள், பக்தா்கள் காணிக்கை எண்ணும் பணியில் ஈடுபட்டனா்.

இதில் ரூ.91 லட்சத்து 78 ஆயிரத்து 218 ரொக்கம், 119 கிராம் தங்கம், 519 கிராம் வெள்ளியை பக்தா்கள் காணிக்கையாக செலுத்தி இருந்தது தெரியவந்தது.