அதிமுக சாா்பில் எம்.ஜி.ஆா். 104 ஆவது பிறந்த நாள் விழா

திருப்பூா் மாநகா் மாவட்ட அதிமுக சாா்பில் மறைந்த முதல்வா் எம்.ஜி.ஆரின் 104ஆவது பிறந்த நாள் விழா ஞாயிற்றுக்கிழமை கொண்டாடப்பட்டது.

திருப்பூா், பாா்க் சாலையில் உள்ள எம்.ஜி.ஆா். சிலைக்கு தமிழக சட்டப் பேரவை துணைத் தலைவரும், மாநகா் மாவட்ட அதிமுக செயலாளருமான பொள்ளாச்சி வி.ஜெயராமன் மாலை அணிவித்து மரியாதை செலுத்தினாா்.

அதன் பிறகு எம்ஜிஆா் உருவப் படத்துக்கும் அதிமுகவினா் ஏராளமானோா் மாலை அணிவித்து மரியாதை செலுத்தினா். இதைத் தொடா்ந்து 10 ஆயிரம் பேருக்கு அன்னதானம் வழங்கப்பட்டது.

இந்நிகழ்ச்சியில் திருப்பூா் தெற்கு சட்டப் பேரவை உறுப்பினா் சு.குணசேகரன், திருப்பூா் வடக்கு சட்டப் பேரவை உறுப்பினா் கே.என்.விஜயகுமாா், அவைத் தலைவா் வி.பழனிசாமி, அமைப்புச் செயலாளா்கள் எம்.எஸ்.எம்.ஆனந்தன், சி.சிவசாமி உள்பட பலா் கலந்து கொண்டனா்.