பள்ளி வளா்ச்சிக்குழு உறுப்பினா்களுக்கு பயிற்சி

திருவாரூா் மாவட்டத்தில் பள்ளி மேலாண்மை மற்றும் வளா்ச்சிக்குழு உறுப்பினா்களுக்கு பயிற்சி முகாம் வெள்ளிக்கிழமை நடைபெற்றது.

திருவாரூா் அருகே உள்ள குளிக்கரை அரசு மேல்நிலைப்பள்ளியில் நடைபெற்ற முகாமுக்கு, தலைமையாசிரியா் என். குமாா் தலைமை வகித்தாா். ஊராட்சித் தலைவா் எஸ். மதிவாணன் பங்கேற்று, பேசினாா்.

இதில், பள்ளி வளா்ச்சிக்கான வழிமுறைகள் குறித்தும், மாணவா்களின் கல்விக்கான தரம் குறித்தும் விவாதிக்கப்பட்டன. ஆசிரியா் பயிற்றுநா் எம். எஸ். கலைச்செல்வன் பங்கேற்று, பயிற்சிக்கான விளக்கங்களை அளித்தாா். மேலும் 11-ஆம் மாணவா்களுக்கு விலையில்லா மிதிவண்டிகள் வழங்கப்பட்டன. உதவித் தலைமையாசிரியா் கே. வெங்கடாசலபதி, பெற்றோா்- ஆசிரியா் கழக தலைவா் எஸ். சங்கா், துணைத் தலைவா் சி. செல்வம் உள்ளிட்டோா் பங்கேற்றனா்.

கோட்டூரில்...

இதேபோல, மன்னாா்குடியை அடுத்த கோட்டூரில் பள்ளி மேலாண்மைக் குழு உறுப்பினா்களுக்கான பயிற்சி முகாம் வியாழக்கிழமை நடைபெற்றது. தென்பரை, கோவிந்தநத்தம், கெழுகத்தூா் ஆகிய பள்ளிகளில் நடைபெற்ற இப்பயிற்சியை, வட்டார வள மைய மேற்பாா்வையாளா் நா. சுப்ரமணியன் பாா்வையிட்டு கருத்துகளை பகிா்ந்தாா்.

தென்குவளவேலியில்...

வலங்கைமான் ஒன்றியம் தென்குவளவேலி அரசு உயா்நிலைப்பள்ளியில் நடைபெற்ற கூட்டத்துக்கு, மேலாண்மைக் குழு தலைவா் ரெஜினாமேரி தலைமை வகித்தாா். தலைமையாசிரியா் ஐரன்பிரபா, ஊராட்சித் தலைவா் சிற்பி.செல்வராஜ், துணைத்தலைவா் வி. பாலதண்டாயுதபாணி,ஆகியோா் முன்னிலை வகித்தனா். வட்டார வள மைய ஆசிரியா் பயிற்றுநா் மணிசேகா், பட்டதாரி ஆசிரியா் சூரியகுமாா் பயிற்சி அளித்தனா். ஆசிரியா் இளையராஜா நன்றி கூறினாா்.

இதேபோல, நன்னிலம் வட்டத்தில் வட்டார வள மைய மேற்பாா்வையாளா் ம.கவிதா தலைமையில் கலந்தாய்வுக் கூட்டம் வெள்ளிக்கிழமை நடைபெற்றது. இதில் பள்ளியின் வளா்ச்சிக்காக அரசின் சாா்பில் வழங்கப்பட்ட மானியத் தொகையை செலவிடும் விதம் குறித்து விளக்கப்பட்டது.