கட்டுமான நல வாரியத் தொழிலாளா்களுக்கு பொங்கல் பரிசுத் தொகுப்பு விநியோகம்: டிஐஜி சாமுண்டீஸ்வரி ஆய்வு

திருவள்ளூரில் கட்டுமான நலவாரியம் சாா்பில் கட்டுமான தொழிலாளா்களுக்கு போலீஸாா் பாதுகாப்புடன் பொங்கல் பரிசுத் தொகுப்பு விநியோகம் நடைபெற்றதை டிஐஜி சாமுண்டீஸ்வரி நேரில் பாா்வையிட்டாா்.

மாநில அளவில் பல்வேறு வகையான தொழிலாளா் நலவாரியங்கள் செயல்பட்டு வருகின்றன. இதில் தொழிலாளா் துறையில் கட்டுமான நலவாரியத்தில் பதிவு செய்ய தொழிலாளா்களுக்கு பொங்கல் பரிசாக ஒரு கிலோ சா்க்கரை, ஒரு கிலோ பச்சரிசி, 100 கிராம் நெய், முந்திரி, உலா் திராட்சை தலா 10 கிராம், 5 கிராம் ஏலாம் மற்றும் ரூ.2500 ரொக்கத்தை வழங்க மாநில அரசு உத்தரவிட்டிருந்தது. திருவள்ளூா் மாவட்டத்தில் கட்டுமான நல வாரியத்தில் 3,018 போ் பதிவு செய்துள்ளனா். இவா்களுக்கு ஏற்கெனவே வங்கிக் கணக்கில் ரூ.2500 செலுத்தப்பட்டுள்ளது.

இந்நிலையில் தொழிலாளா் கட்டுமான நல வாரியம் சாா்பில் எபியகுப்பம் டிஇஎல்சி பள்ளி வளாகத்தில் பொங்கல் பொருள்கள் வழங்கும் நிகழ்ச்சி ஞாயிற்றுக்கிழமை நடைபெற்றது. கட்டுமான நலவாரியத்தில் பதிவு செய்த தொழிலாளா்களுக்கு எண்கள் வரிசைப்படி பரிசுத் தொகுப்பு வழங்கப்படும் என முன்கூட்டியே தெரிவிக்காததால் பலரும் அங்கு ஞாயிற்றுக்கிழமை குவிந்தனா்.

தகவல் அறிந்து திருவள்ளூா் துணைக் காவல் கண்காணிப்பாளா் துரைப்பாண்டியன் தலைமையில் காவல் ஆய்வாளா் ரவிகுமாா் ஆகியோா் அங்கு சென்றனா். தொழிலாளா்கள் அனைவரும் வரிசை எண்களின்படி இடைவெளியைப் பின்பற்றி நின்று பொருள்களைப் பெற அனுமதித்தனா்.

காஞ்சிபுரம் சரக டிஐஜி சாமுண்டீஸ்வரியும் அங்கு சென்று பாா்வையிட்டாா். அங்கிருந்த தொழிலாளா் துறை அதிகாரிகளிடம் அவா் கூறுகையில் ‘ தொழிலாளா் அடையாள அட்டை, குடும்ப அட்டையை சரிபாா்த்து வழங்க வேண்டும். அதையடுத்து அடுத்து வரும் நாள்களில் அதிக கூட்டம் சேரவிடாமல் தவிா்க்கும் வகையில், யாருக்கு எந்த எண் கொண்ட அட்டைகளுக்கு விநியோகம் செய்யப்படும் என்ற தகவலை தொழிலாளா்களுக்கு முன்கூட்டியே தெரிவிக்க வேண்டும்’ என்று அறிவுறுத்தினாா்.