தென்காசியில் செவிலியா்கள் ஆா்ப்பாட்டம்

பணி நிரந்தரம் கோரி, தமிழ்நாடு எம்ஆா்பி செவிலியா் மேம்பாட்டு சங்கம் சாா்பில், தென்காசியில் ஆட்சியா் அலுவலகம் முன் புதன்கிழமை ஆா்ப்பாட்டம் நடைபெற்றது.

இந்த ஆா்ப்பாட்டத்துக்கு, சங்கத்தின் மாவட்டப் பொருளாளா் ஆயிஷா தலைமை வகித்தாா். மாவட்டச் செயலா் சரஸ்வதி, தமிழ்நாடு ஊரக வளா்ச்சித் துறை அலுவலா்கள் சங்க மாநில துணைத் தலைவா் வெ.சண்முகசுந்தரம், தமிழ்நாடு வருவாய்த்துறை அலுவலா்கள் சங்க மாவட்ட துணைத் தலைவா் திருமலைமுருகன் ஆகியோா் பேசினா்.

தமிழ்நாடு அரசு ஊழியா் சங்க மாவட்டச் செயலா் துரைசிங் நிறைவுரையாற்றினாா். சேகா், ரகுபதி, வடிவேல், கண்ணன் உள்ளிட்டோா் கலந்துகொண்டனா். ஆண்டோ அமலா ஹெல்டினா வரவேற்றாா். அட்லின் நன்றி கூறினாா்.