காலமானார் பா.சின்னசாமி

சுற்றுச்சூழல் மற்றும் மாசுக் கட்டுப்பாட்டுத் துறை அமைச்சர் எம்.சி.சம்பத்தின் தந்தை பா.சின்னசாமி (97) ஞாயிற்றுக்கிழமை அதிகாலை காலமானார்.

÷அவர், பண்ருட்டி வட்டம் மேல்குமாரமங்கலத்தில் வசித்து வந்தார். உடல் நலக்குறைவு ஏற்பட்டு சென்னை தனியார் மருத்துவமனையில் அனுமதிக்கப்பட்டு இறந்தார். அவரது உடல், பண்ருட்டி, மேல்குமாரமங்கலத்தில் உள்ள அவரது இல்லத்தில் பொதுமக்கள் அஞ்சலிக்காக வைக்கப்பட்டது.அமைச்சர்கள், எம்.எல்.ஏ.க்கள், எம்.பி.க்கள், அ.தி.மு.க. நிர்வாகிகள், பொதுமக்கள் உள்பட பலர் அஞ்சலி செலுத்தினர். ஞாயிற்றுக்கிழமை இரவு 7 மணி அளவில் மேல்குமாரமங்கலம் தென்பெண்ணை ஆற்றங்கரையோரம் அவரது உடல் தகனம் செய்யப்பட்டது.

முதல்வர் இரங்கல்

தமிழ்நாடு சுற்றுச்சூழல் துறை அமைச்சர் எம்.சி. சம்பத்தின் தந்தை சின்னசாமி மறைவுக்கு முதல்வர் ஜெயலலிதா இரங்கல் தெரிவித்துள்ளார். இது தொடர்பாக அவர் ஞாயிற்றுக்கிழமை வெளியிட்ட இரங்கல் செய்தி:உடல் நலக் குறைவால் உங்களது தந்தை சின்னசாமி ஞாயிற்றுக்கிழமை (ஜூலை 21) அதிகாலை உயிரிழந்தார் என்ற செய்தியை அறிந்து மிகுந்த துயரம் அடைந்தேன்.

இந்தத் துயரச் சம்பவத்தால் ஈடு செய்ய முடியாத இழப்பு ஏற்பட்டுள்ள போதிலும், அதைத் தாங்கிக் கொள்ளக் கூடிய சக்தியையும், தைரியத்தையும் வழங்க இறைவனைப் பிரார்த்திப்பதாக அவர் தெரிவித்துள்ளார்.