ஆஷஸ்: ஆஸ்திரேலியா 270 ரன்களில் "ஆல்அவுட்'

இங்கிலாந்துக்கு எதிரான 4-வது ஆஷஸ் டெஸ்ட் போட்டியில் ஆஸ்திரேலியா தனது முதல் இன்னிங்ஸில் 89.3 ஓவர்களில் 270 ரன்களுக்கு ஆட்டமிழந்தது.

இங்கிலாந்தின் செஸ்டர்-லீ-ஸ்ட்ரீட்டில் நடைபெற்று வரும் இப்போட்டியில் இங்கிலாந்து தனது முதல் இன்னிங்ஸில் 92 ஓவர்களில் 238 ரன்களுக்கு சுருண்டது.

இதையடுத்து முதல் இன்னிங்ûஸ ஆடிய ஆஸ்திரேலியா 2-வது நாளான சனிக்கிழமை 74.4 ஓவர்களில் 5 விக்கெட் இழப்புக்கு 222 ரன்கள் எடுத்திருந்தபோது போதிய வெளிச்சமின்மையால் ஆட்டம் நிறுத்தப்பட்டது. அப்போது ரோஜர்ஸ் 101, பிராட் ஹாடின் 12 ரன்களுடன் களத்தில் இருந்தனர்.

3-வது நாளான ஞாயிற்றுக்கிழமை தொடர்ந்து ஆடிய அந்த அணியில் ஹாடின் 13, ரோஜர்ஸ் 110 ரன்களில் ஆட்டமிழக்க, 270 ரன்களுக்கு சுருண்டது. இங்கிலாந்து தரப்பில் ஸ்டூவர்ட் பிராட் 5 விக்கெட்டுகளை வீழ்த்தினார்.

முதல் இன்னிங்ஸில் 32 ரன்கள் பின்தங்கிய நிலையில் 2-வது இன்னிங்ûஸ ஆடிய இங்கிலாந்து 64 ஓவர்களில் 4 விக்கெட் இழப்புக்கு 205 ரன்கள் எடுத்திருந்தது. இயான் பெல் 84, ஜானி பேர்ஸ்டோவ் 28 ரன்களுடன் விளையாடிக் கொண்டிருந்தனர்.

ஆஸ்திரேலியத் தரப்பில் ரியான் ஹாரிஸ் 3 விக்கெட்டுகளை வீழ்த்தியிருந்தார். இங்கிலாந்து 173 ரன்கள் முன்னிலைப் பெற்றிருந்தது.