பிரெஞ்சு ஓபன்: காலிறுதிக்கு முந்தைய சுற்றில் ஷரபோவா, அசரென்கா

பிரெஞ்சு ஓபன் டென்னிஸ் போட்டியில் ரஷியாவின் மரியா ஷரபோவா, பெலாரஸின் விக்டோரியா அசரென்கா ஆகியோர் காலிறுதிக்கு முந்தைய சுற்றுக்கு முன்னேறியுள்ளனர்.

பிரான்ஸ் தலைநகர் பாரீஸில் நடைபெற்று வரும் இப்போட்டியில் சனிக்கிழமை நடைபெற்ற மகளிர் ஒற்றையர் 3-வது சுற்றில் ரஷியாவின் மரியா ஷரபோவா 6-1, 7-5 என்ற நேர் செட்களில் சீனாவின் ùஸங்கையும், பெலாரஸின் விக்டோரியா அசரென்கா 4-6, 6-3, 6-1 என்ற செட் கணக்கில் பிரான்ஸின் அலைஸ் கார்னெட்டையும் வீழ்த்தி காலிறுதிக்கு முந்தைய சுற்றுக்கு முன்னேறினர்.

இதேபோல் அமெரிக்காவின் ஸ்டீபன்ஸ் 6-4, 6-7, 6-3 என்ற செட் கணக்கில் நியூஸிலாந்தின் எரகோவிக்கையும், அமெரிக்காவின் பெத்தானியே மடேக் சேன்ட்ஸ் 4-6, 6-1, 6-3 என்ற செட் கணக்கில் ஆர்ஜென்டீனாவின் ஆர்மெஸியாவையும் தோற்கடித்து காலிறுதிக்கு முந்தைய சுற்றுக்கு முன்னேறினர். இதேபோல் இத்தாலியின் பிரான்செஸ்கா ஷியாவோனேவும் காலிறுதிக்கு முந்தைய சுற்றுக்கு முன்னேறினார். அவர் தனது 3-வது சுற்றில் 6-2, 6-1 என்ற நேர் செட்களில் பிரான்ஸின் மரியோன் பர்டோலியை வீழ்த்தினார்.

நிஷிகோரி வெற்றி: ஆடவர் ஒற்றையர் 3-வது சுற்றில் ஜப்பானின் நிஷிகோரி 6-3, 6-7, 6-4, 6-1 என்ற செட் கணக்கில் பிரான்ஸின் பெனாய்ட் பேரை வீழ்த்தினார்.

பயஸ் ஜோடி தோல்வி: ஆடவர் இரட்டையர் பிரிவு 2-வது சுற்றில் இந்தியாவின் லியாண்டர் பயஸ்-ஆஸ்திரியாவின் ஜூர்கன் மெல்ஸர் ஜோடி தோல்வி கண்டு போட்டியிலிருந்து வெளியேறியது. போட்டித் தரவரிசையில் 9-வது இடத்தில் உள்ள இந்த ஜோடி 7-5, 4-6, 6-7 என்ற செட் கணக்கில் போட்டித் தரவரிசையில் இல்லாத உருகுவேயின் பப்லோ கியூவாஸ்-ஆர்ஜென்டீனாவின் ஹொராசிகோ ùஸபாலஸ் ஜோடியிடம் தோல்வி கண்டது.

இதேபோல் போட்டித் தரவரிசையில் 5-வது இடத்தில் உள்ள பெலாரஸின் மேக்ஸ் மிர்ன்யி-ருமேனியாவின் ஹரியா டீக்கா ஜோடி 6-4, 6-7, 5-7 என்ற செட் கணக்கில் பிரான்ஸின் மைக்கேல் லோட்ரா-மஹத் ஜோடியிடம் அதிர்ச்சி தோல்வி கண்டது.