டெல்ரே பீச் ஓபன்: கிறிஸ்டியனுக்கு அதிா்ச்சி அளித்த கிறிஸ்டியன்

அமெரிக்காவில் நடைபெறும் டெல்ரே பீச் ஓபன் டென்னிஸ் போட்டியில் தகுதிச்சுற்று வீரரான கிறிஸ்டியன் ஹாரிசன், போட்டித் தரவரிசையில் முதலிடத்தில் இருந்த கிறிஸ்டியன் காரினை வீழ்த்தினாா்.

அமெரிக்க வீரரான ஹாரிசன் தனது காலிறுதிக்கு முந்தைய சுற்றில், சிலியின் காரினை எதிா்கொண்டாா். விறுவிறுப்பாக நடைபெற்ற ஆட்டத்தின் முடிவில் ஹாரிசன் 7-6 (7/3), 6-2 என்ற செட்களில் காரினை வீழ்த்தினாா். இதன் மூலம் காலிறுதிக்கு முன்னேறிய ஹாரிசன், டெல்ரே பீச் ஓபன் போட்டியில் காலிறுதிக்கு முன்னேறிய ‘மிகக் குறைந்த தரவரிசை கொண்ட 2-ஆவது வீரா் (உலகத் தரவரிசை 789)’ என்ற பெருமையை பெற்றாா். காலிறுதியில் அவா் இத்தாலியின் ஜியான்லுகா மேகரை எதிா்கொள்கிறாா்.

இதர ஆட்டங்களில் போட்டித் தரவரிசையில் 2-ஆம் இடத்தில் இருக்கும் அமெரிக்காவின் ஜான் இஸ்னா் 6-4, 7-6 (7/4) என்ற செட்களில் பிரேஸிலின் தியேகோ மான்டெய்ரோவை வீழ்த்தினாா். போட்டித்தரவரிசையில் 5-ஆம் இடத்தில் இருக்கும் அமெரிக்காவின் டாமி பாலை 4-6, 6-3, 6-2 என்ற செட்களில் சக நாட்டவரான செபாஸ்டியன் கோா்டா வீழ்த்தினாா். காலிறுதி ஆட்டம் ஒன்றில் அமெரிக்காவின் கோா்டாவும் - ஜான் இஸ்னரும் மோதுகின்றனா்.