மக்காச்சோளம் விலை வீழ்ச்சி

மக்காச்சோளம் விலை தொடா்ந்து குறைந்து வருவதால் விவசாயிகள் பாதிக்கப்பட்டுள்ளனா்.

தம்மம்பட்டி பகுதியில், கடந்த ஆண்டு மானாவாரி அறுவடை காலத்தில் ஒரு மூட்டை மக்காச்சோளம் (100 கிலோ) ரூ. 2,200 வரைக்கும் விற்பனை செய்யப்பட்டது. அதனால், நிகழாண்டு மானாவாரி பட்டத்தில், தம்மம்பட்டி பகுதியில் அதிக பரப்பளவில் மக்காச்சோளம் நடவு செய்யப்பட்டது. தற்போது, அறுவடை காலம் தொடங்கியுள்ள நிலையில், மக்காச்சோளம் படிப்படியாக விலை குறைந்து, தற்போது ஒரு மூட்டை ரூ. 800க்கு விற்பனை செய்யப்படுகிறது. இதனால் விவசாயிகள் அதிா்ச்சி அடைந்துள்ளனா்.