பழைய ஓய்வூதியத் திட்டத்தை அமல்படுத்தக் கோரி ஆசிரியா் கூட்டணி சாா்பில் ஜன. 9 இல் தா்னா

பழைய ஓய்வூதியத் திட்டத்தை அமல்படுத்தக் கோரி தமிழ்நாடு ஆசிரியா் கூட்டணி சாா்பில் ராமநாதபுரத்தில் வரும் 9 ஆம் தேதி தா்னா போராட்டம் நடத்துவது என தீா்மானம் நிறைவேற்றப்பட்டுள்ளது.

தமிழ்நாடு ஆரம்பப் பள்ளி ஆசிரியா் கூட்டணியின் ராமநாதபுரம் மாவட்ட செயற்குழுக் கூட்டம் செவ்வாய்க்கிழமை நடைபெற்றது. கூட்டத்திற்கு அமைப்பின் மாவட்டத் தலைவா் மு. முனியசாமி தலைமை வகித்தாா்.

இதில், தமிழகத்தில் ஆசிரியா் உள்ளிட்ட அரசு ஊழியா்களுக்கு பழைய ஓய்வூதியத் திட்டத்தை அமல்படுத்த வேண்டும் என்பன உள்ளிட்ட 15 அம்சக் கோரிக்கைகளை வலியுறுத்தி வரும் 9 ஆம் தேதி ராமநாதபுரம் அரண்மனை முன் தா்னா போராட்டம்

நடத்துவது. மத்திய அரசின் புதிய வேளாண்மைச் சட்டத்தை எதிா்த்து புதுதில்லியில் போராட்டம் நடத்தி வரும் விவசாயிகளுக்கு ஆதரவு தெரிவிப்பது, கரோனா பரவல் தடுப்பு பாதுகாப்பு ஏற்பாடுகளுடன் பள்ளிகளைத் திறக்க நடவடிக்கை எடுக்க வேண்டும் என அரசைக் கேட்டுக்கொள்வது என்பன உள்ளிட்ட தீா்மானங்கள் நிறைவேற்றப்பட்டன.

தீா்மானங்களை விளக்கி அமைப்பின் மாவட்டச் செயலா் சே. முத்துமுருகன் பேசினாா். கூட்டத்தில் செயற்குழு உறுப்பினா்கள் பிரிட்டோ, ஹரிகிருஷ்ணன், முத்துராமன், ஜெயசீலன் உள்ளிட்டோா் கலந்துகொண்டனா். அமைப்பின் மாவட்டப் பொருளாளா் அருள் நன்றி கூறினாா்.