மழைநீர் சேகரிப்பு கருத்தரங்கு

இலுப்பூர் மேட்டுச்சாலை மதர்தெரசா பாலிடெக்னிக் கல்லூரி நாட்டு நலப்பணித் திட்டத்தின் சார்பில், மழைநீர் சேகரிப்பு கருத்தரங்கம் கல்லூரி வளாகத்தில் செவ்வாய்க்கிழமை நடைபெற்றது.

கருத்தரங்கிற்கு கல்வி நிறுவனங்களின் நிறுவனர் முனைவர் இரா. சின்னதம்பி தலைமை வகித்தார். தாளாளர் இராசி. உதயகுமார் முன்னிலை வகித்தார். கல்லூரி முதல்வர் மு. தினேஷ்குமார் மழைநீர் சேகரிப்பு வழிமுறைகள் மற்றும் அதன் அவசியம் குறித்து பேசினார்.

கருத்தரங்கில், மழைநீர் சேகரிப்பின் அவசியம் குறித்து பல்வேறு போட்டிகள் நடத்தப்பட்டு வெற்றிபெற்ற மாணவ, மாணவிகளுக்கு பரிசுகள் வழங்கப்பட்டன. முன்னதாக நாட்டு நலப்பணித் திட்ட அலுவலர் வினோத் அய்யப்பன் வரவேற்றார்.