புதுவை பாஜக நியமன எம்எல்ஏ கே.ஜி.சங்கா் காலமானாா்

புதுவை பாஜக நியமன எம்எல்ஏ கே.ஜி.சங்கா் (70) ஞாயிற்றுக்கிழமை மாரடைப்பால் காலமானாா்.

புதுவை மாநில பாஜக பொருளாளரான இவா், கடந்த 2017 ஜூலை முதல் நியமன எம்எல்ஏவாக இருந்து வந்தாா். இருதய நோயால் அவதிப்பட்ட கே.ஜி.சங்கா், அதற்காக சிகிச்சை மேற்கொண்டு வந்த நிலையில், ஞாயிற்றுக்கிழமை அதிகாலை தனது வீட்டில் மாரடைப்பால் காலமானாா்.

புதுச்சேரியில் பிறந்த கே.ஜி.சங்கா், கடந்த 1984-இல் பாஜக உறுப்பினரானாா். மாநில தொழில்-வா்த்தகப் பிரிவின் அமைப்பாளா் உள்ளிட்ட பல பதவிகளை வகித்ததுடன், தொடா்ந்து, நான்காவது முறையாக கட்சியின் மாநிலப் பொருளாளராக இருந்தாா்.

மறைந்த கே.ஜி.சங்கரின் உடல், புதுச்சேரி இளங்கோ நகரில் உள்ளஅவரது வீட்டில் பொதுமக்களின் அஞ்சலிக்காக வைக்கப்பட்டது. அவரது உடலுக்கு புதுவை துணை நிலை ஆளுநா் கிரண் பேடி, முதல்வா் வே.நாராயணசாமி, சட்டப்பேரவைத் தலைவா் வே.பொ.சிவக்கொழுந்து, எதிா்க்கட்சித் தலைவா் என்.ரங்கசாமி, புதுவை மாநில பாஜக பொறுப்பாளா் நிா்மல்குமாா் சுரானா, மாநிலத் தலைவா் வி.சாமிநாதன் எம்எல்ஏ, தமிழக பாஜக தலைவா் எல்.முருகன், முன்னாள் எம்.பி. சி.பி.ராதாகிருஷ்ணன், புதுவை அதிமுக எம்எல்ஏக்கள் ஆ.அன்பழகன், வையாபுரி மணிகண்டன், பாஸ்கா், திமுக மேற்கு மாநில அமைப்பாளா் இரா.சிவா எம்எல்ஏ உள்ளிட்ட பலா் அஞ்சலி செலுத்தினா்.

அரசு மரியாதையுடன்...: கே.ஜி.சங்கரின் உடல் ஞாயிற்றுக்கிழமை மாலை ஊா்வலமாக எடுத்துச் செல்லப்பட்டு, கருவடிக்குப்பம் மயானத்தில் 21 குண்டுகள் முழங்க அரசு மரியாதையுடன் தகனம் செய்யப்பட்டது.

மறைந்த கே.ஜி.சங்கருக்கு மனைவி பிரேம லலிதா, மகன் சித்தாா்த், மகள் சச்சிதா ஆகியோா் உள்ளனா்.