பாண்டமங்கலம் விவேகானந்தா பள்ளி சிறப்பிடம்

பரமத்திவேலூர் வட்டம், பாண்டமங்கலம் விவேகானந்தா பள்ளி மாணவர்கள் பிளஸ் 2 தேர்வில் சிறப்பிடம் பெற்றனர்.

இந்தப் பள்ளி மாணவி அலமேலு பிருந்தா 1200-க்கு 1180 மதிப்பெண்கள் பெற்று பள்ளியில் முதலிடத்தை பெற்றுள்ளார். மாணவி அபிராமி 1200-க்கு 1178 மதிப்பெண்கள் பெற்று இரண்டாமிடத்தையும், மாணவி அர்ச்சனாதேவி 1200-க்கு 1172 மதிப்பெண்கள் பெற்று  மூன்றாமிடத்தையும் பெற்றுள்ளனர்.

மாணவர் பாலாஜீ இயற்பியல் பாடத்தில் 198 மதிப்பெண்களும், வேதியலில் 200 மதிப்பெண்களும், கணிதத்தில் 200 மதிப்பெண்களும், கணினி அறிவியலில் 200 மதிப்பெண்களும் பெற்றுள்ளார். பள்ளி மாணவர்கள் பாட வாரியாக கணிதத்தில் 15 பேரும், வேதியியலில் 8, கணினி அறிவியலில் 10, உயிரியலில் 3, மின் இயந்திரங்களும், சாதனங்களும் (இ.எம்.ஏ) பாடத்தில் 3 மாணவர்களும் 200-க்கு 200 மதிப்பெண்கள் பெற்றுள்ளனர். 1150 மதிப்பெண்களுக்கு மேல் 35 பேரும், 1100-க்கு மேல் 66 பேரும், 1000-க்கு மேல் 376 பேரும் பெற்று சிறப்பிடம் பெற்றுள்ளனர்.

வெற்றி பெற்ற மாணவர்களை விவேகானந்தா கல்வி அறக்கட்டளைத் தலைவர் கே.நெடுஞ்செழியன், செயலாளர் சுப்பிரமணியம் உள்ளிட்டோர் பாராட்டினர்.