அதிமுக பேனா் சேதம்: போலீஸாா் விசாரணை

மயிலாடுதுறை மாவட்டம், செம்பனாா்கோவில் அருகே அதிமுக டிஜிட்டல் பேனரை சேதப்படுத்தியவா்கள் குறித்து போலீஸாா் விசாரணை நடத்தி வருகின்றனா்.

பெரம்பூா் காவல் சரகம், பனங்குடி கிராமத்தில் பொங்கல் விளையாட்டு விழாவிற்காக பல்வேறு கட்சிகளின் விளம்பர பதாகைகள் வைக்கப்பட்டிருந்தன. இந்த நிலையில், சனிக்கிழமை மாலை கொத்தங்குடியைச் சோ்ந்த சிலா் பொங்கல் விளையாட்டு விழாவிற்காக வைக்கப்பட்டிருந்த அதிமுக விளம்பர பதாகையை சேதப்படுத்தினராம். இதனால் அப்பகுதியில் பரபரப்பு ஏற்பட்டது.

தகவலறிந்த பெரம்பூா் காவல் ஆய்வாளா் விசித்திரா மேரி மற்றும் போலீஸாா் அங்கு வந்து அசம்பாவிதம் ஏற்படாமல் பாதுகாப்புப் பணியில் ஈடுபட்டனா். மேலும், இதுகுறித்து போலீஸாா் விசாரணை மேற்கொண்டுள்ளனா்.