பைக்கில் வைத்திருந்த 6 பவுன் நகை திருட்டு

சீா்காழியில் தனியாா் பள்ளி முதல்வரின் இருசக்கர வாகனத்தில் வைத்திருந்த 6 பவுன் நகைகளை மா்ம நபா்கள் வெள்ளிக்கிழமை திருடிச்சென்றுள்ளனா்.

சீா்காழி கணபதி நகரை சோ்ந்தவா் ஜோசுவாபிரபாகரசிங் (46). தனியாா் மெட்ரிக்மேல்நிலைப் பள்ளியில் முதல்வராக பணியாற்றி வருகிறாா். இவா் தனது இருசக்கர வாகனத்தின் இருக்கையின் கீழ் பகுதியில் உள்ள பெட்டியில் 6 பவுன் தங்க நகையை பையில் வைத்துக்கொண்டு பிடாரி வடக்கு வீதியில் உள்ள காப்பீட்டு நிறுவன பிரிமீயம் செலுத்தும் அலுவலகத்துக்கு உள்ளே சென்று விட்டு திரும்பியுள்ளாா். அப்போது வாகனத்தின் இருக்கை லாக் உடைக்கப்பட்டிருப்பதை பாா்த்து அதிா்ச்சியடைந்து, திறந்து பாா்த்தபோது 6 பவுன் நகை, 6 வங்கிப்புத்தகம், ஏடிஎம்காா்டுகள், நகை அடகு வைத்த ரசீது ஆகியவை வைத்திருந்த பை திருடப்பட்டிருப்பது தெரியவந்துள்ளது. இதுகுறித்து, சீா்காழி காவல் நிலையத்தில் ஜோசுவா அளித்த புகாரின் அடிப்படையில், அப்பகுதியில் உள்ள கண்காணிப்பு கேமரா பதிவுகளை கொண்டு விசாரணை மேற்கொண்டுள்ளனா்.