செப்டம்பர் 15ல் அக்னி - 5 ஏவுகணை சோதனை

அக்னி - 5 ஏவுகணை இந்த வார இறுதியில் அதாவது வரும் 15ம் தேதி சோதிக்கப்பட உள்ளதாக பாதுகாப்புத் துறை அதிகாரி தெரிவித்துள்ளார்.

சுமார் 5 ஆயிரம் கி.மீ. தூரத்தில் உள்ள இலக்கை குறி வைத்து தாக்கி அழிக்கும் திறன் பெற்ற அக்னி - 5 ஏவுகணை முதல் கட்டமாக கடந்த ஏப்ரல் மாதம் 19ம் தேதி வெற்றிகரகமாக சோதிக்கப்பட்டது.

இந்த நிலையில், இந்த வார இறுதியில் அதாவது வரும் ஞாயிற்றுக் கிழமை இரண்டாவது முறையாக ஒடிசா கடற்கரைப் பகுதியில் அக்னி - 5 ஏவுகணை சோதிக்கப்பட உள்ளது என்று தெரிவிக்கப்பட்டுள்ளது.