மெக்சிகோவில் நிலச்சரிவு: 8 பேர் பலி

மெக்சிகோவில் நிலச்சரிவுக்கு 8 பேர் பலியாகியுள்ளனர். தென்கிழக்கு மற்றும் மத்திய மெக்ஸிக்கோவில் கடந்த சில நாட்களாக கன மழை பெய்து வருகிறது.

மழை காரணமாக கிழக்கு மெக்சிகோ மாகாணத்தின் வெராகுருஸ் பகுதியில் திடீரென நிலச்சரிவு ஏற்பட்டது. இதில் மலைப்பகுதியில் இருந்த 2 வீடுகள் மண்ணில் புதைந்தன. இந்நிலச்சரிவில் சிக்கி 3 குழந்தைகள் உட்பட 8 பேர் பலியாகி உள்ளனர்.

இதனையடுத்து அப்பகுதிக்கு விரைந்து சென்ற மீட்பு குழுவினர் மீட்புப் பணிகளில் ஈடுபட்டுள்ளனர். இச்சம்பவத்தின் போது வீட்டில் மொத்தம் 14 பேர் இருந்துள்ளனர்.