இன்று மிஸ் கூவாகம் போட்டி

விழுப்புரத்தில், "மிஸ் கூவாகம் 2013' போட்டிகள் ஏப்ரல் 22-ம் தேதி (திங்கள்கிழமை) நடைபெறும் என்று சமுதாய மேம்பாட்டு சங்கத்தின் தலைவர் சலீமா தெரிவித்தார்.

இது குறித்து அவர் செய்தியாளர்களுக்கு அளித்த பேட்டி: கூவாகம் கூத்தாண்டவர் கோயில் திருவிழாவையொட்டி ஒன்பது திருநங்கைகள் அமைப்பைச் சேர்ந்த நாங்கள் பல்வேறு நிகழ்ச்சிகளுக்கு ஏற்பாடு செய்துள்ளோம்.

திருநங்கைகளை வரவேற்கும் விதமாக வரவேற்பு வளைவுகள் ஏப்ரல் 22-ம் தேதி காலை திறந்து வைக்கப்படுகிறது. இதனை நகர்மன்றத் தலைவர் பாஸ்கரன் திறந்து வைக்கிறார். காலை 10.30 மணிக்கு திருநங்கைகளுக்கான பட்டிமன்றங்கள் நடைபெறுகிறது. மாலை 6 மணி அளவில் மிஸ் கூவாகம் 2013 போட்டிகள், விழுப்புரத்தில் நடைபெறும். இப் போட்டிகளை ஆட்சியர் வா.சம்பத் தொடங்கி வைக்கிறார். தமிழ்நாடு எய்ட்ஸ் கட்டுப்பாட்டுத் திட்ட இயக்குநர் குமார் ஜெயந்த் உள்ளிட்டோர் பங்கேற்கின்றனர் என்றார்.