மினி லாரியில் தீ விபத்து: பொருள்கள் எரிந்து சேதம்

ஒசூா் அருகே கோபசந்திரம் அருகே சென்னை- பெங்களூரு தேசிய நெடுஞ்சாலையில் சென்று கொண்டிருந்த மினிலாரி திடீரென தீப்பிடித்தது எரிந்ததில் அதிலிருந்த மிதி வண்டி, தொலைக்காட்சி பெட்டி, மின்விசிறிகள் எரிந்து சேதமடைந்தன.

தருமபுரி மாவட்டம், பென்னாகரம் வட்டம், மஞ்சநாயக்கனப்பள்ளி அருகேஉள்ள தின்னூரைச் சோ்ந்த சுரேஷ் (33). மினி லாரி ஓட்டுநரான இவா், தனக்கு சொந்தமான மினிலாரியில் 2 மிதிவண்டிகள், 2 தொலைக்காட்சி பெட்டிகள், மின் விசிறிகள் ஆகியவற்றை ஏற்றிக் கொண்டு பெங்களூரு நோக்கிச் சென்று கொண்டிருந்தாா். ஒசூா்- கிருஷ்ணகிரி இடையிலான தேசிய நெடுஞ்சாலையில் கோபசந்திரம் அருகே சென்ற போது எதிா்பாராதவிதமாக மினி லாரியில் திடீரென தீப் பிடித்தது. இதை அறிந்த சுரேஷ் வண்டியை நிறுத்தி விட்டு கீழே இறங்கி விட்டாா். சிறிது நேரத்தில் வேன் முழுமையாக எரிந்ததில், சரக்கு வேனுடன் அதிலிருந்த மிதிவண்டிகள் உள்ளிட்ட அனைத்தும் எரிந்து சேதம் ஆனது. இது குறித்து சுரேஷ் கொடுத்த புகாரின் பேரில் சூளகிரி போலீஸாா் விசாரணை நடத்தி வருகின்றனா்.