ராசிபுரம் ஸ்ரீவித்யா மந்திர் பள்ளி சிறப்பிடம்

ராசிபுரம் ஸ்ரீவித்யா மந்திர் பள்ளி பிளஸ் 2 தேர்வில் 99 சதம்  தேர்ச்சி பெற்றுள்ளது.

இந்தப் பள்ளியில் பயின்ற மாணவர் ஏ.செந்தில்நாதன், எஸ்.கவின் ஆகியோர் 1162 மதிப்பெண்கள் பெற்று பள்ளியில் முதலிடம் பெற்றனர்.  மாணவர் டி.தருண் 1161 மதிப்பெண்கள் பெற்று பள்ளியில் 2-ஆம் இடமும், பி.பவித்ராதேவி 1154 மதிப்பெண்கள் பெற்று 3-ஆம் இடமும் பெற்றனர்.

கணிதம், கணினி அறிவியல் பாடங்களில் தலா மூவரும்,  வேதியியல், உயிரியல் பாடங்களில் தலா இருவரும் 200-க்கு 200 மதிப்பெண்கள் பெற்றுள்ளனர். பள்ளியில் நான்கு மாணவர்கள் 1200-க்கு 1150-க்கும் மேற்பட்ட மதிப்பெண்களும், மேலும், 39 பேர் 1100-க்கு மேற்பட்ட மதிப்பெண்களும்,  73 மாணவர்கள் ஆயிரத்திற்கும் மேற்பட்ட மதிப்பெண்களும் பெற்றுள்ளனர்.

அதிக மதிப்பெண்கள் பெற்ற மாணவ, மாணவிகளை பள்ளியின் தலைவர் எஸ்.கே.ஏ.முருகேசன், செயலாளர் என்.மாணிக்கம், தாளாளர் கே.குமாரசாமி,  முதல்வர் சி.சுமதி உள்ளிட்ட நிர்வாகிகள் பாராட்டினர்.