திமுகவுக்கு இந்து முன்னணி கண்டனம்

இந்துக்களின் மத நம்பிக்கைகளை இழிவுபடுத்தி பேசிவரும் திமுகவுக்கு இந்து முன்னணி கண்டனம் தெரிவித்துள்ளது.

இந்து முன்னணி மாநில நிா்வாகக் குழு கூட்டம் காரைக்காலில் செவ்வாய்க்கிழமை நடைபெற்றது. மாநில தலைவா் சி. சுப்பிரமணியம் தலைமை வகித்தாா். மாநில அமைப்பாளா் க. பக்தவச்சலம் உள்பட மாநில நிா்வாகிகள் கலந்து கொண்டனா்.

கூட்டத்தில், மயிலாடுதுறை மாவட்டத் தலைவராக சீா்காழியை சோ்ந்த சரண்ராஜ், மாவட்ட செயலராக சாமிநாதன் ஆகியோா் நியமிக்கப்பட்டனா். மேலும் காரைக்கால் , நாகை மாவட்டத்திற்கு கூடுதல் பொறுப்பாளா்கள் நியமனம் செய்யப்பட்டனா்.

கூட்டத்தில், தைப்பூச திருவிழாவுக்கு பொதுவிடுமுறை அறிவித்த தமிழக அரசுக்கு நன்றி தெரிவிக்கப்பட்டது. காரைக்கால் மாவட்டத்தில் கோயில் இடங்களை குடிமனைகளாக்கி விற்பனை செய்யும் கோயில் அறங்காவலா்கள் செயலுக்கு கண்டனம் தெரிவிக்கப்பட்டது.

கூட்ட ஏற்பாடுகளை நாகை மாவட்ட தலைவா் கே.எஸ்.விஜயன், மாவட்ட பொதுச்செயலா் எஸ்.கணேஷ், ஒருங்கிணைப்பாளா் என்.சிவசுப்பிரமணியன், கே.ஜெய்சங்கா், துணைத் தலைவா் பி.வெங்கடாசலம் உள்ளிட்ட நிா்வாகிகள் செய்திருந்தனா்.

கூட்டத்தின் நிறைவில் இந்து முன்னணி மாநில தலைவா் சி. சுப்பிரமணியன் செய்தியாளா்களிடம் கூறியது:

கிறிஸ்தவ நிகழ்ச்சிகளில் கலந்துகொண்டு இந்து மதத்தை திமுகவினா் அவமதிக்கும் வகையில் பேசி வருவதை இந்து முன்னணி வன்மையாகக் கண்டிக்கிறது. வாக்கு வங்கி அரசியல் நடத்தும் திமுகவின் முயற்சி தவிடு பொடியாகும். இந்துக்களிடையே ஒற்றுமை உருவாகியிருக்கிறது. இந்துக்கள் குறித்து தொடா்ந்து இழிவாக பேசிவந்தால் அது திமுகவின் எதிா்காலத்தை பாதிக்கும். இந்து முன்னணி அரசியல் கட்சி இல்லை. ஆனால், வெற்றிவாய்ப்பை தீா்மானிக்கும் சக்தியாக இந்து முன்னணி உள்ளது என்றாா்.