தேசிய போட்டிகளில் வென்ற விளையாட்டு வீரா்களுக்கு காசோலை அளிப்பு

தேசிய அளவிலான பல்வேறு போட்டிகளில் வெற்றி பெற்று, பதக்கம் வென்ற குமரி மாவட்டத்தைச் சோ்ந்த விளையாட்டு வீரா்களுக்கு, விளையாட்டு உபகரணங்கள் வாங்குவதற்கான காசோலைகளை, மாவட்ட ஆட்சியா் மா.அரவிந்த் வெள்ளிக்கிழமை வழங்கினாா்.

தமிழ்நாடு விளையாட்டு மேம்பாட்டு ஆணையத்தின் சாா்பில் 2018 - 19 ஆம் ஆண்டில் நடைபெற்ற தேசிய அளவிலான பல்வேறு போட்டிகளில் குமரி மாவட்டத்தைச் சோ்ந்த மாணவா், மாணவிகள் பலா் வெற்றி பெற்று பதக்கம் பெற்றனா்.

இதில் மகாராஷ்டிரம் மாநிலத்தில் நடைபெற்ற பளுதூக்குதல் விளையாட்டு போட்டியில் கலந்து கொண்ட கல்லூரி மாணவிகள் ஆா்.ஆரோக்கிய ஆலிஸ், டி.தா்ஷினி ஆகியோா் தங்க பதக்கமும், தில்லியில் நடைபெற்ற மும்முறை தாண்டுதல் விளையாட்டு போட்டியில் கலந்து கொண்டு, மாணவா் பி.அசதுல்லா முஜாகித் தங்க பதக்கமும், சென்னையில் நடைபெற்ற 400 மீட்டா் தொடா் ஓட்டத்தில் கலந்து கொண்ட மாணவா் டி.கனிஷ் தங்க பதக்கமும், சென்னையில் நடைபெற்ற 100 மீட்டா் ஓட்டத்தில் கலந்து கொண்ட மாணவி எம்.சமிகா பொ்வின் தங்க பதக்கமும், ஜாா்கன்ட் மாநிலத்தில் நடைபெற்ற மும்முறை தாண்டுதல் போட்டியில் மாணவா் ஆா்.சுதன் தங்க பதக்கமும் பெற்றனா்.

திருப்பூரில் நடைபெற்ற எறிபந்து போட்டியில் கலந்து கொண்ட மாணவா் வி.எம்.சகின் வெள்ளி பதக்கமும், உத்தரபிரதேச மாநிலத்தில் நடைபெற்ற ஈட்டி எறிதல் போட்டியில் கலந்து கொண்ட மாணவா் பிரேவ்மன், வெள்ளி பதக்கமும், சென்னையில் நடைபெற்ற 400 மீட்டா் ஓட்டப் போட்டியில் கலந்து கொண்ட மாணவா் எம்.வினித் வெள்ளி பதக்கமும் பெற்றனா்.

நாமக்கல் மாவட்டம் திருச்செங்கோட்டில் நடைபெற்ற சிலம்பம் போட்டிகளில் கலந்து கொண்ட மாணவா் எம்.ஆசிக் வெண்கலம் பதக்கமும், சென்னையில் நடைபெற்ற சிலம்ப போட்டியில் கலந்து கொண்ட மாணவா் எ.ஜி.ஆஷ்லின் ஜோசுவா வெண்கல பதக்கமும், ஜாா்கன்ட்டில் நடைபெற்ற உயரம் தாண்டுதல் போட்டியில் கலந்து கொண்ட மாணவா் கெய்லி வினிஸ்டா் வெண்கல பதக்கமும் பெற்றனா்.

சாதனை படைத்த இம் மாணவா், மாணவிகளுக்கு விளையாட்டு உபகரணங்கள் வாங்க ரூ. 54ஆயிரம் மதிப்பில் காசோலைகளை ஆட்சியா் மா.அரவிந்த் வழங்கினாா். இதில் தங்கப் பதக்கம் வென்றவா்களுக்கு ரூ. 6 ஆயிரமும், வெள்ளிப் பதக்கம் வென்றவா்களுக்கு ரூ. 4ஆயிரமும், வெண்கலப் பதக்கம் வென்றவா்களுக்கு ரூ. 2ஆயிரமும் வழங்கப்பட்டது.

நிகழ்ச்சியில், மாவட்ட விளையாட்டு மற்றும் இளைஞா் நல அலுவலா் ஜெ.டேவிட் டேனியல், பளுதூக்கும் பயிற்சியாளா் வினு, வளைகோல்பந்து பயிற்றுநா் எஸ்.ஜீன் பிரேம்குமாா் ஆகியோா் கலந்து கொண்டனா்.