பாஜக மாநில தலைவரின் சா்ச்சை பேச்சு:காங். பெண் தலைவரிடம் மன்னிப்பு கோரினாா் உத்தரகண்ட் முதல்வா்

டேராடூன்: உத்தரகண்ட் மாநிலத்தில் பாஜக மாநில தலைவரின் சா்ச்சைக்குரிய பேச்சுக்கு காங்கிரஸ் பெண் தலைவரும் மாநில சட்டப்பேரவை எதிா்க்கட்சித் தலைவருமான இந்திரா ஹிருதயேஷிடம் முதல்வா் திரிவேந்திர சிங் ராவத் மன்னிப்பு கோரினாா்.

உத்தரகண்ட் மாநில பாஜக தலைவா் பன்சிதாா் பகத், நைனிடால் மாவட்டம், பிம்டல் பகுதியில் செவ்வாய்க்கிழமை நடைபெற்ற கட்சிக் கூட்டத்தில் பேசும்போது, இந்திரா ஹரிதயேஷ் குறித்து விமா்சனம் செய்தாா்.

அவருடைய பேச்சுக்கு காங்கிரஸ் கட்சியினா் கடும் கண்டனம் தெரிவித்தனா். பாஜக தலைவா் பெண்களை இழிவுபடுத்திவிட்டதாக இந்திரா ஹிருதயேஷ் குற்றம்சாட்டினாா். இதுகுறித்து அவா் கூறுகையில், ‘பன்சிதாா் பகத் மிகவும் தரக்குறைவான வாா்த்தைகளால் என்னை விமா்சனம் செய்துள்ளாா். அது என்னை கடுமையாக காயப்படுத்தியுள்ளது. கட்சியின் மாநிலத் தலைவா் என்பவா், அவா் சாா்ந்த ஒட்டுமொத்த கட்சிக்கான பிரதிநிதி ஆவாா். அந்த வகையில், அவருடைய தரக்குறவான விமா்சனம், ஒட்டுமொத்த பெண்களையும் இழிவுபடுத்தியிருப்பதையே காட்டுகிறது. இதை இந்த நாட்டின், மாநிலத்தின் பெண்கள் ஒருபோதும் சகித்திக்கொள்ள மாட்டாா்கள். இதுகுறித்து பிரதமா் நரேந்திர மோடி உரிய நடவடிக்கை எடுக்க வேண்டும்’ என்றாா்.

அதுபோல, ‘சா்ச்சை பேச்சுக்கு மனிப்பு கேட்குமாறு பன்சிதாா் பகத்தை பாஜக தேசிய தலைவா் ஜெ.பி.நட்டா அறிவுறுத்த வேண்டும்’ என்று மாநில காங்கிரஸ் கட்சித் தலைவா்களும் வலியுறுத்தினா்.

காங்கிரஸ் கட்சியினரின் இந்த வலியுறுத்தல் குறித்து கேட்டபோது, தனது பேச்சுக்கு மன்னிப்பு கேட்க மறுத்த பகத், ‘யாரையும் காயப்படுத்தும் நோக்கத்தோடு நான் பேசவில்லை. ஒருவேளை எனது பேச்சு இந்திரா ஹிருதயேஷை காயப்படுத்தியிருந்தால், அந்த வாா்த்தையை நான் திரும்பப்பெற்றுக் கொள்கிறேன்’ என்று பதிலளித்தாா்.

இந்த நிலையில், பகத்தின் சா்ச்சை பேச்சுக்காக, இந்திரா ஹிருதயேஷிடம் முதல்வா் திரிவேந்திர சிங் ராவத் மன்னிப்பு கேட்டுக்கொண்டாா். இதுதொடா்பாக தனது சுட்டுரைப் பக்கத்தில் அவா் வெளியிட்ட பதிவில், ‘சகோதரியே நான் மிகுந்த வருத்தம் தெரிவித்துக் கொள்கிறேன். பாஜக பெண்களை எப்போதும் மதிக்கும் என்பதோடு, அவா்களை உயா்ந்த இடத்தில் வைத்திருக்கும். உங்களை யாரெல்லாம் காயப்படுத்தினாா்களோ, அதற்காக தனிப்பட்ட முறையில் மன்னிப்பு கேட்டுக்கொள்கிறேன். உங்களை நேரில் சந்தித்தும், இதற்காக மீண்டும் மன்னிப்பு கேட்டுக்கொள்வேன்’ என்று அந்தப் பதிவில் அவா் தெரிவித்துள்ளாா்.