தைப்பூசத்துக்கு பொது விடுமுறை: இந்து வியாபாரிகள் நலச்சங்கம் வரவேற்பு

பழனி தைப்பூசத் திருவிழாவுக்கு அரசு பொது விடுமுறை அறிவித்த தமிழக முதல்வருக்கு இந்து வியாபாரிகள் நலச்சங்கம் சாா்பில் நன்றி தெரிவிக்கப்பட்டது.

இந்து வியாபாரிகள் நலச்சங்கத்தின் மாதாந்திர ஆலோசனைக் கூட்டம் புதன்கிழமை நடைபெற்றது. இதில் சங்கத்தின் கவுரவத் தலைவா் சரவணப் பொய்கை கந்தவிலாஸ் பாஸ்கரன், நகரத் தலைவா் மணிமுத்து உள்ளிட்ட நிா்வாகிகள் பங்கேற்றனா். கூட்டத்தில் தைப்பூசத் திருவிழாவுக்கு அரசு விடுமுறை அறிவித்த தமிழக முதல்வருக்கு நன்றி தெரிவித்து தீா்மானம் நிறைவேற்றப்பட்டது. இதே போல் நகரில் உள்ள இந்து முன்னணி, இந்து மகாசபா உள்ளிட்ட பல்வேறு அமைப்பு நிா்வாகிகளும் தமிழக அரசுக்கு நன்றி தெரிவித்துள்ளனா்.