கோச்சடையான் டீஸர் 9-ம் தேதி வெளியிடப்படும்: சௌந்தர்யா அறிவிப்பு

இந்தியத் திரையுலகின் முதல் மோஷன் கேப்சரிங் படமாக தயாராகி வரும் ‘கோச்சடையான்’.

இதில் ரஜினிகாந்த் தந்தை மகன் என இரு வேடங்களில் நடித்துள்ளார். நாயகியாக தீபிகா படுகோனே நடித்துள்ளார். இவர்களுடன் சரத்குமார், ஆதி, ஷோபனா, ருக்மணி, ஜாக்கிஷெராப், நாசர் மற்றும் பலர் நடித்துள்ளனர். இப்படத்தை ரஜினி மகள் சௌந்தர்யா இயக்கியுள்ளார். ஏ.ஆர். ரகுமான் இசையமைத்துள்ளார்.

படத்தின் இறுதிக்கட்ட வேலைகள் தற்போது விறுவிறுப்பாக நடைபெற்றுக் கொண்டிருக்கின்றன. இதனிடையே படம் குறித்த எதிர்பார்ப்பு நாளுக்கு நாள் அதிகரித்து வருகிறது. இந்நிலையில் இப்படத்தின் டீஸரை வரும் செப்.9-ந் தேதி வெளியிடப்படும் என்று அறிவிக்கப்பட்டுள்ளது. இதனை ரஜினியின் மகள் சௌந்தர்யா தனது டுவிட்டரில் தெரிவித்துள்ளார். கோச்சடையான் படத்தை தெலுங்கில் ‘விக்ரமசிம்ஹா’ என்ற பெயரில் ரிலீஸ் செய்ய உள்ளனர்.