தனுஷுக்கு ஜோடியாகிறார் பாலிவுட் நடிகை அலியா பட்

‘ஸ்டூடன்ட் ஆஃப் த இயர்’ படத்தின் நாயகி அலியா பட் புதிய படத்தில் தனுஷுக்கு ஜோடியாக நடிக்கிறார்.

மாற்றான் திரைப்படத்துக்குப் பிறகு கே.வி.ஆனந்த் புதிய படம் இயக்குவதற்கு தயாராகிவிட்டார். பெயரிடப்படாத இந்தப் படத்தில் தனுஷ்தான் நாயகனாக நடிக்கிறார். ஏ.ஜி.எஸ். நிறுவனம் தயாரிக்கிறது. அனிருத் இசையமைக்கிறார். தனுஷ் இப்போது நையாண்டி படத்தில் நடித்துக்கொண்டிருக்கிறார். இதன் பிறகே கே.வி.ஆனந்த் இயக்கும் படத்தில் நடிக்கிறார். படத்தில் தனுஷுக்கு ஜோடியாக அலியா பட் நடிக்க இருக்கிறாராம்.

கரண் ஜோஹர் இயக்கத்தில் 2012-ல் வெளிவந்து ஹிட்டான ‘ஸ்டூடன்ட் ஆஃப் த இயர்’ பாலிவுட் படத்தின் நாயகிதான் இந்த அலியா பட். தன் முதல் படத்திலேயே பாலிவுட் ரசிகர்களை மெய் மறக்கச் செய்தவர், தற்போது தமிழர்களின் நெஞ்சத்திலும் குடியிருக்க வருகிறார்.