லயோலா கல்லூரியில் 28-ல் கலை விழா

லயோலா கல்லூரி முன்னாள் மாணவர் இயக்கம் சார்பில், அன்றும் இன்றும் என்றும் லயோலாவின் கல்லூரிப் பாதை என்ற பெயரில் கலை விழா வரும் 28-

Updated On :22 ஏப்ரல் 2013, 9:33 am

லயோலா கல்லூரி முன்னாள் மாணவர் இயக்கம் சார்பில், அன்றும் இன்றும் என்றும் லயோலாவின் கல்லூரிப் பாதை என்ற பெயரில் கலை விழா வரும் 28-ஆம் தேதி லேடி ஆண்டாள் கலையரங்கில் நடைபெறவுள்ளது.

இது குறித்து லயோலா கல்லூரி முன்னாள் மாணவர் சங்க இயக்குநர் சேவியர் அல்போன்ஸ் வெளியிட்டுள்ள அறிக்கை:

கல்லூரியின் வணிகவியல், பொருளியல் துறையின் கட்டட நிதிக்காக இந்த கலை நிகழ்ச்சி நடத்தப்படுகிறது. இதில், ஆலப்ராஜ், பின்னணி பாடகி சுசித்ரா, பாடகர் ராகுல் நம்பியார் உள்ளிட்ட பலர் பங்கேற்றுப் பாடுகின்றனர்.

ஜான் பிரிட்டோ குழுவினருடன், நடிகர்கள் ஜெயம் ரவி, அருண் விஜய், ஆனந்த் பாபு, சாந்தனு பாக்யராஜ் நடனமாடவுள்ளனர்.

பவர் ஸ்டார் சீனிவாசன், தம்பி ராமையா, ஈரோடு மகேஷ், அப்புக்குட்டி ஆகியோர் பங்குபெறும் நகைச்சுவை நிகழ்ச்சியை சின்னி ஜெயந்த் தொகுத்து வழங்கவுள்ளார்.

கலைத் துறைகளில், நடிப்பு, தயாரிப்பு, நடனம், இசை, நகைச்சுவை, இயக்கம் என தங்களுக்கென தனித்தன்மையை ஏற்படுத்திக் கொண்ட லயோலா கல்லூரி மாணவர்களுக்கு லயோலா அவார்ட்ஸ் ஆஃப் எக்ஸலென்ஸ் ஃபார் மீடியா ஆர்ட்ஸ் என்ற விருதுகள் வழங்கப்படவுள்ளன.

நடிகர்கள் ராதாரவி, சரத்குமார், பிரபு, வெங்கடேஷ், விஷால், விக்ரம், சூர்யா, எஸ்.ஜே. சூர்யா, அரவிந்த்சாமி, விஜய் ஆண்டனி, சிபிராஜ், சக்தி, பாஸ்கி உள்ளிட்டோரும் பங்கேற்கின்றனர்.

நிகழ்ச்சிக்கான டிக்கெட்டுகள் ஜ்ஜ்ஜ்.ம்ங்ழ்ஹங்ஸ்ங்ய்ற்ள்.ஸ்ரீர்ம் என்ற இணைய தள முகவரியில் கிடைக்கும். மேலும் விவரங்களுக்கு 9551815065 என்ற எண்ணில் தொடர்பு கொள்ளலாம்.

தொடர்புடையது