காலமானார் முன்னாள் தலைமைச் செயலாளர் எல்.கே. திரிபாதி

தமிழக முன்னாள் தலைமைச் செயலாளர் எல்.கே. திரிபாதி (64) திங்கள்கிழமை காலமானார். அவருடைய சொந்த மாநிலமான ஒடிசாவில் உடல்நலக் கோளாறு காரணமாக அவர் உயிரிழந்தார்.

1971-ஆம் ஆண்டு தமிழக ஐ.ஏ.எஸ். பிரிவைச் சேர்ந்த திரிபாதி தலைமைச் செயலாளர் பொறுப்பை 2006-ம் ஆண்டு மே மாதம் முதல் வகித்தார். 2008-ம் ஆண்டு ஆகஸ்ட் 31-ம் தேதி பணியில் இருந்து ஓய்வு பெற்றார். இதைத் தொடர்ந்து, அவர் தனது சொந்த மாநிலமான ஒடிசாவுக்குச் சென்றார். அங்கேயே தனது ஓய்வுக் காலத்தை கழித்து வந்ததாகவும், உடல்நலக் குறைவு காரணமாக அவர் திங்கள்கிழமை காலமானதாகவும் அதிகாரிகள் தரப்பில் தெரிவித்தனர்.