காதலுக்காக பல்லாயிரம் மைல் பறக்கிறார்: டெய்லர் ஸ்விப்ட்டுக்கு எதிராகக் கடும் விமர்சனம்!

டெய்லர் ஸ்விப்டின் உலகப் பயணங்களால் மாசுபாடு ஏற்படுவதாக சமூக வலைத்தளங்களில் விவாதம் வைரலாகி வருகிறது.

<div class="paragraphs"><p>டெய்லர் ஸ்விப்ட்</p></div> - <div class="paragraphs"><p>AP/Julio Cortez</p></div>

Updated On :6 பிப்ரவரி 2024, 7:24 pm

டெய்லர் ஸ்விப்ட்- இசை ரசிகர்களுக்கு அறிமுகம் வேண்டியிருக்காத பெயர். டெய்லரின் காதலர், டிரெவிஸ் கெல்ஸ். அமெரிக்காவின் கொண்டாடப்படும் கால்பந்தாட்ட வீரர்களில் ஒருவர். இவர் பங்கேற்கும் போட்டிகளில் டெய்லர் ஸ்விப்டைக் காண முடியும்.

உலகப் புகழ்பெற்ற பாடகியான டெய்லரின் ‘எராஸ் டூர்’ இசை நிகழ்ச்சியின் 2024 ஆம் ஆண்டின் முதல் நிகழ்ச்சி டோக்கியாவில் வரும் 10-ம் தேதி நடைபெறவுள்ள சூழலில், டிரெவிஸ் கலந்துகொள்ளும் சூப்பர் பவுல் கால்பந்தாட்டப் போட்டியோ பிப். 11 அன்று அமெரிக்காவின் லாஸ் வேகாஸ் நகரில் நடக்கவிருக்கிறது.

<div class="paragraphs"><p>டெய்லர் ஸ்விப்ட்</p></div> - <div class="paragraphs"><p>Julio Cortez</p></div>

பாடகியால் இரண்டு இடங்களிலும் கலந்துகொள்ள முடியுமா என்பதுதான் அவரது ரசிகர்களின் தற்போதைய பேச்சாக உள்ளது. இந்த வார இறுதியில் லாஸ் ஏஞ்சலீஸ் நகரில் நடக்கும் கிராம்மி விருது விழாவிலும் டெய்லர் கலந்துகொள்கிறார்.

‘அவர் கலந்து கொள்வதெல்லாம் இருக்கட்டும். இத்தனை முறை உலகைச் சுற்றுவதால் உண்டாகும் மாசு என்பது எத்தகைய பாதிப்பு ஏற்படுத்தும் எனத் தெரியுமா?’ எனச் சூழலியல் ஆர்வலர்கள் கேள்வி எழுப்புகின்றனர்.

டெய்லர் ஸ்விப்ட் என்ன செய்ய போகிறார் என்பதே இப்போதைக்கான மில்லியன் டாலர் கேள்வி.

கிராம்மி விருது

அமெரிக்காவின் லாஸ் ஏஞ்சலீஸ் நகரில் இசைத் துறையின் உயரிய விருது நிகழ்வான கிராம்மி விருதுகள் விழா பிப். 4 நடைபெறவிருக்கிறது.

ஆறு பிரிவுகளில் பரிந்துரையில் உள்ள டெய்லர் ஸ்விப்ட், கிராம்மி விருதுக்கு அதிக பிரிவுகளில் பரிந்துரையான கலைஞர்களில் ஒருவர்.

இந்தாண்டின் சிறந்த ஆல்பம் விருதினை அவர் பெற்றால் அதிக முறை அதனை வென்ற கலைஞர் என்கிற வரலாற்றையும் உருவாக்குவார்.

கிராம்மி விருதுக்குப் பிறகான அவரது பயணம் டோக்கியாவுக்குத் திட்டமிடப்பட்டுள்ளது.

<div class="paragraphs"><p>டெய்லர் ஸ்விப்ட்</p></div> - Ed Zurga

டோக்கியோ இசை நிகழ்வு

பிப். 7 முதல் பிப். 10 வரை டோக்கியோவில் நான்கு நாள்கள் நிகழ்ச்சி நடைபெறுகிறது. ஒரு பில்லியன் அமெரிக்க டாலர் வசூலைக் கடந்த முதல் இசை நிகழ்ச்சியான எராஸ் டூர் நிகழ்வு, டோக்கியோவில் 55 ஆயிரம் பார்வையாளர்கள் அமரக் கூடிய அரங்கில் நடக்கவிருக்கிறது.

டோக்கியோவில் இருந்து லாஸ் ஏஞ்சலீஸ் 12 மணி நேரம் பயணத் தூரம், 5400 மைல்கள். ஒன்பது நேர மண்டலங்களைக் கடக்க வேண்டியிருக்கும். ஸ்விப்ட், தனி விமானத்தைப் பயன்படுத்துவதால் இந்த நேரம் குறைய வாய்ப்பிருக்கிறது.

ஒவ்வொரு நாளும் இசை நிகழ்வு 3 மணி நேரம் 15 நிமிடங்கள் நடக்கக் கூடியது. நிறைவு நாளான 10-ம் தேதி இரவு அதிகபட்சம் 9.30 மணிக்குத்தான் நிகழ்வு முடிவடையும்.

டோக்கியோவில் இருந்து லாஸ் வேகாஸ் 17 மணி நேரத் தொலைவில் உள்ள நகரம். மறுநாள் டெய்லரின் காதலர் விளையாடும் ஆட்டத்தைப் பார்க்க அவர் டோக்கியோவில் நள்ளிரவில் கிளம்பினால் 11 மணி நேரம் பயணிக்க வேண்டியிருக்கும்.

நேர வேறுபாடு காரணமாக புறப்படும் நேரம் என்பது லாஸ் வேகாஸில் காலை 7 மணியாக இருக்கும்.

சான் பிரான்ஸிகோ அணிக்கும் டிரெவிஸின் அணியான கான்சாஸ் சிட்டி சீப் அணிக்குமான சூப்பர் பவுல் ஆட்டம் பிற்பகல் 3.30 மணிக்கு தொடங்கும். டெய்லரால் ஆட்டத்தின் தொடக்கத்தில் இருந்து பார்க்க வர முடியுமா என்பது சந்தேகமே.

<div class="paragraphs"><p>டெய்லர் ஸ்விப்ட்</p></div> - <div class="paragraphs"><p>AP/ Julio Cortez</p></div>

பயணத் தொலைவு

இதே வாரத்தில் பிப். 16 மெல்பர்ன் இசை நிகழ்ச்சிக்கு டெய்லர் பறக்க வேண்டியிருக்கும். இது கிட்டத்தட்ட 8,100 மைல்கள்.

ஆக டெய்லர் ஸ்விப்ட் இந்த இரு வாரங்களில் பயணிக்கும் தொலைவு என்பது 19,400 மைல்கள். விமான பயணம் மட்டும். ஒரு ஒப்பீடுக்காக சொல்லப் போனால் உலகத்தின் ஒட்டுமொத்த சுற்றளவு 24,900 மைல்கள் மட்டுமே.

இந்தத் தொலைவுதான் இப்போது பிரச்னையாக மாறியிருக்கிறது.

தொடர்புடையது