பிறந்து 10 நாள்களேயான கைக்குழந்தையுடன் உடல்தகுதி தேர்விற்கு வந்த இளம் பெண்!

கோவை: கள்ளக்குறிச்சி மாவட்டத்தை சேர்ந்த இளம் பெண் ஒருவர், குழந்தை பிறந்து பத்து நாட்களேயான தனது கைக்குழந்தையுடன் இரண்டாம் நிலைக் காவலர் பணிக்கான உடல் தகுதி தேர்வில் ஆவலுடன் கலந்துகொண்டார்.

தமிழ்நாடு சீருடைப் பணியாளர் தேர்வாணையம் சார்பில், இரண்டாம் நிலைக் காவலர் பணிக்கு தேர்வானவர்களுக்கு உடல் தகுதித் தேர்வு மற்றும் சான்றிதழ் சரிபார்ப்புப் பணி செவ்வாய்க்கிழமை கோவை காவலர் பயிற்சி பள்ளி வளாகத்தில் நடைபெற்றது.

இந்த தேர்வில் கலந்துகொள்ள பல்வேறு மாவட்டங்களில் இருந்தும் ஆண்,பெண் இருபாலரும் ஏராளமானோர் கலந்து கொண்டனர்.

இந்த நிலையில், குழந்தை பிறந்து பத்து நாட்களேயான தனது கைக்குழந்தையுடன் கள்ளக்குறிச்சி மாவட்டத்தை சேர்ந்த பெண் கோவையில் நடைபெறுகின்ற இரண்டாம் நிலைக் காவலர் பணிக்தான உடல் தகுதி தேர்வில் ஆவலுடன் கலந்துகொண்டார்.